ბათუმის ღირსშესანიშნაობები და ბოტანიკური ბაღი

აღმოაჩინეთ ბათუმი ქალაქი, სადაც საუკუნოვანი ისტორია და თანამედროვე არქიტექტურა ჰარმონიულად ერწყმის ერთმანეთს. ტურის განმავლობაში გაეცნობით ქალაქის ყველაზე მნიშვნელოვან ღირსშესანიშნაობებს და შეიგრძნობთ იმ განსაკუთრებულ ატმოსფეროს, რომელმაც ბათუმი შავი ზღვის ერთ-ერთ ყველაზე მიმზიდველ მიმართულებად აქცია. მოგზაურობა ძველი ბათუმის კოლორიტული ქუჩებიდან იწყება და თანამედროვე სანაპიროს შთამბეჭდავ არქიტექტურულ სივრცეებში გრძელდება. ტურის ფარგლებში დაათვალიერებთ ბათუმის ყველაზე ცნობილ ღირსშესანიშნაობებს: ანბანის კოშკს, პიაცას მოედანს, ევროპის მოედანს და მსოფლიოში ცნობილ მოძრავ ქანდაკებას - „ალი და ნინოს“. ასევე გაისეირნებთ ბათუმის ბულვარში ზღვისპირა პარკში, რომელიც პალმებით, თანამედროვე სკულპტურებითა და შავი ზღვის ულამაზესი ხედებით განსაკუთრებულ შთაბეჭდილებას ახდენს. შემდეგ გავემგზავრებით ბათუმის ბოტანიკურ ბაღში უნიკალურ ბუნებრივ სივრცეში, რომელიც ევროპის ერთ-ერთ ყველაზე მრავალფეროვან ბოტანიკურ ბაღად მიიჩნევა. ზღვისპირა ფერდობზე გაშენებული ბაღი მსოფლიოს სხვადასხვა კონტინენტიდან ჩამოტანილ ათასობით მცენარეს აერთიანებს. აქ გელით ეგზოტიკური ფლორა, მშვიდი სასეირნო ბილიკები, ზღვის პანორამული ხედები და ზღვისა და მთის ჰაერის საოცარი შერწყმა. ტურის დასასრულს ვეწვევით ბათუმის ცნობილ თევზის ბაზარს ადგილს, სადაც ადგილობრივები დღემდე ირჩევენ ზღვის ახალ ნობათს. მსურველებს შესაძლებლობა ექნებათ თავად შეარჩიონ სასურველი თევზი ან ზღვის პროდუქტები და ადგილზე დააგემოვნონ ტრადიციული წესით მომზადებული შავი ზღვის კერძები. ბათუმში დაბრუნება დაგეგმილია დაახლოებით 17:00 საათზე.